Erla Kongsdóttir siglir av Gomlurætt til Hvalbiar

Av tí at siglingin hjá Smyrli er darvað, tí átrokandi umvælingar skulu gerast umborð, hevur Strandferðslan gjørt av seta Erlu Kongdóttur í sigling millum Gomlurætt og Hvalba.

Hon fer av Gomlurætt til Hvalbiar klokkan 15.30, og av Hvalba til Gomlurætt klokkan 17.15.

Erla Kongsdóttir tekur 96 ferðafólk, men akfør sleppa ikki við hesar túrarnar. 

Bussar í Suðuroy koyra í sambandi siglingina hjá Erlu Kongsdóttir.

Dánjal Samuelsen

Dánjal Samuelsen. (Mynd: Bjarni Árting Rubeksen)

Dagført:

Dánjal Samuelsen, samferðsluleiðari á Strandferðsluni, upplýsir nú, at Smyril siglir ikki meira i dag.

Men arbeitt verður við møguleikanum fyri, at Erla Kongsdóttir kanska kann gera onkran túr aftrat til Suðuroyar seinni í dag.

Hoyr samrøðu við Dánjal Samuelsen í útvarpstíðindunum: