Lítil áhugi fyri dystinum móti Norðurmakedónia

Lítil áhugi er fyri landsdystinum millum Føroyar og Norðurmakedónia á Tórvølli í morgin, og tað gongur einki serligt at selja atgongumerki.

Fótbóltssambandið væntar 1.500 áskoðarar til dystin, sum verður spældur tíðliga seinnapartin, sigur Kristin Dam Ziska, aðalskrivari:

Kristin Dam Ziska

Kristin Dam Ziska.

Tað er UEFA, sum ger dystarskránna og ger av, nær á degnum dysturin skal spælast. 

Dystirnir hjá manslandsliðum byrja altíð klokkan 14, klokkan 17 ella klokkan trý korter til átta.

FSF hevur gjørt vart við, at ásetingin í morgin hóskar illa.

Søguligu áskoðaratølini vísa kortini, at áhugin fyri fótbóltslandsliðnum hjá monnum er rættiliga støðugur, sigur aðalskrivarin í FSF:

Landsdysturin millum Føroyar og Norðurmakedónia byrjar sum sagt klokkan 14, og Kringvarpið vísir dystin. Vit byrja at senda klokkan 13.30.