Bíblian sum ljóðbók á íslendskum

Fyri fyrstu ferð er øll Bíblian nú komin út sum ljóðbók á íslendskum.

Íslendska kringvarpið RÚV skrivar, at íslendska bíbliufelagið hevur staðið fyri útgávuni, sum er tilsamans 90 tímar og 19 minuttir.

Fleiri kendir íslendskir sjónleikarar standa fyri upplestrinum í ljóðbókini, sum hevur tikið fimm ár at gera. Ein av teimum er Arnar Jónsson, sum sigur, at hetta hevur verið eitt drúgt arbeiði, men at tað hevur gingið væl.

- Tað hevur tikið tíð, men tá man hugsar um tað, so er tað ein neyðug og góð verkætlan. Tað eru helst nógv fólk, sum ikki leggja í hesa góðu bókina, at lesa hana, men kanska er tað betri og stuttligari at lurta eftir henni í staðin, sigur hann við RÚV.

Ljóðbóksútgávan av íslendsku Bíbliuni er at finna á heimasíðuni biblian.is.