- Tíðindi, mentan og ítróttur
Verjarnir krevja, at Watson verður latin leysur
Verjarnir krevja, at Watson verður latin leysur
Paul Watson hevur verið í varðhaldi í Nuuk síðani 21. juli
Paul Watson kemur aftur fyri rættin í Nuuk í morgin, og tá fara verjarnir at krevja, at hann verður latin leysur.
Mynd: AFP/Ritzau Scanpix
01.10.2024 - 08:20
Verjarnir hjá Paul Watson fara á rættarfundinum í morgin at krevja, at hann verður latin leysur, skrivar Sermitsiaq.
Paul Watson hevur verið í varðhaldi í Nuuk síðani 21. juli.
Japan vil hava Danmark at útflýggja hann.
Danska løgmálaráðið hevur biðið politiið í Grønlandi kanna, um grundarlag er fyri at útflýggja Watson.
Um tað arbeiði er liðugt, fæst ikki at vita fyrr enn á rættarfundinum í morgin.
Sermitsiaq hevur spurt bæði ákæruvaldið í Nuuk og Løgmálaráðið, men tey hava ongar viðmerkingar.
Er kopiera
Nýggjastu sendingar í ÚV
