Seta nýtt landsstýrisfólk seint í næstu viku

Nýtt landsstýrisfólk verður ikki sett fyri Ingilín Didriksen Strøm fyrr enn seint í næstu viku.

Tað sigur Aksel V. Johannesen, løgmaður og formaður í Javnaðarflokkinum.  

Hann vil ikki gera bandaða samrøðu við útvarpið, men í skrivligum boðum sigur hann, at "Javnaðarflokkurin fer undir tilgongdina at velja nýtt landsstýrisfólk í seinnu helvt av næstu viku."

Aksel V. Johannesen, løgmaður, umsitur í løtuni málsøkini, sum Ingilín Didriksen Strøm hevur umsitið. Tað eru millum annað umhvørvismál og orkumál.