Bjørt og Sirið í uppskoti at vera forkvinna í Tjóðveldi

Bjørt Samuelsen og Sirið Stenberg eru í uppskoti at vera nýggj forkvinna í Tjóðveldi eftir Høgna Hoydal, sum hevur lagt frá sær sum floksformaður.

Tað er greitt, eftir at freistin hjá økisfeløgunum at lata uppskot inn fór á midnátt.

Ber eitt uppskot er komið um nýtt næstforfólk. Tað er Hervør Pálsdóttir, sum í løtuni er virkandi næstforkvinna.

Hervør Pálsdóttir

Hervør Pálsdóttir.

Limur í Tjóðveldi hevur skotið upp at velja Dennis Holm til formann, men hann hevur síðani boðað aðalstjórnarformanninum frá, at hann tekur ikki við valinum.

Tjóðveldi hevur eykafloksting á Hotel Føroyum leygardagin á  middegi, har forfólk og næstforfólk skulu veljast.