Einki uppskot kom frá Suðurstreymoyar Tjóðveldisfelag

Øll økisfeløgini uttan Suðurstreymoyar Tjóðveldisfelag høvdu hvør sítt uppskot um, hvør frameftir skal standa á odda fyri Tjóðveldi, eftir at Høgni Hoydal fríggjakvøldið boðaði frá, at hann legði frá sær sum floksformaður.

Tá freistin fór á midnátt, var greitt, at Sirið Stenberg og Bjørt Samuelsen eru í uppskoti til at gerast næsta forkvinna í Tjóðveldi, meðan eittans uppskot um nýtt næstforfólk er komið - tað er virkandi næstforkvinnan, Hervør Pálsdóttir.

Høgni í Stórustovu er formaður í aðalstjórnini hjá Tjóðveldi:

Bjørt Samuelsen, Sjúkrarøktarfrøðingar í verkfalli, tingfundur um uppílegging í verkfall

Bjørt Samuelsen. (Mynd: Bjarni Árting Rubeksen)

Sirið Stenberg

Sirið Stenberg.

Bjørt Samuelsen og Sirið Stenberg eru báðar staddar í Reykjavík og hava ikki verið tøkar at gera samrøðu enn.

Vit hava eisini roynt at fáa fatur á virkandi formanninum í Suðurstreymoyar Tjóðveldisfelag, Róar Akralíð, men hann svarar ikki telefonini.

Vit ætlaðu at spyrja hann, hví felagið einki valevni stillaði upp.

Leygardagin kl 12.00 verður eykafloksting á Hotel Føroyum við einans tveimum evnum á skránni:  Val av forfólki og val av næstforfólki.