Nú er uppskotið um intregratiónslóg komið

Uppskot um integratiónslóg, ta fyrstu í Føroyum, kom í tingið í gjár.

Hon verður galdandi fyri útlendingar, sum hava uppihaldsloyvi í Føroyum, og fyri børn undir 18 ár, sum hava fastan bústað hjá foreldrum ella verja.

Í fjør vóru 5,5 prosent teirra, sum búgva í Føroyum, tilflytarar.

Hvør kommuna skal í seinasta lagi 1. juli 2026 hava integratiónssamskipara.

Kommunurnar kunnu samstarva við aðrar kommunur um integratión og integratiónssamskiparar, sigur lógaruppskotið.

Lógin er ikki ókeypis.

Hon kostar landinum 13,1 mió. kr.

Og í eru játtaðar 5,6 mió. kr. til undirvísing í føroyskum sum annaðmál. Brúk er fyri sjey milliónum, stendur í viðmerkingunum um lógaruppskotið. 

Lógaruppskotið og viðmerkingar eru 40 síður.

Magnus Rasmussen, sum tá var landsstýrismaður, ætlaði at koma við uppskoti um integratiónslóg á heysti 2022.

Men tað kom ikki, tí løgtingsval var skrivað út.