Nýggir borgarstjórar mæla til eina kommunu í Sandoynni

Nýggju borgarstjórarnir heima á Sandi og í Skopun, Marjun Debes og Kristian Oskar Henriksen, halda, at Sandoyggin eigur at vera ein kommuna

Tað hevði verið ein fyrimunur fyri oynna, halda tey.

Marjun Debes

Marjun Debes verður nýggjur borgarstjóri í Skopunar kommunu.

Kristian Oskar Henriksen

Kristian Oskar Henriksen verður nýggjur borgarstjóri í Sands kommunu.

- Hetta skal gerast ordiligt, soleiðis at allar kommunurnar kenna seg aftur í einari møguligari samanlegging, siga tey bæði.

Vit hava spurt fyrstvalda kommunustýrislimin í Húsavíkar kommunu, sum var Dávur Sørensen, hvat hann heldur um eina samanlegging.

Hann er opin fyri at tosa um tað, men hetta er ikki nakað, sum liggur fyrst fyri hjá sær, sigur hann. 

Í Skálavík var Linjohn Christiansen fyrstvaldur. Tað hevur ikki eydnast at fáa viðmerking frá honum til málið. 

Samgongusamráðingar 2022, dagur 4, Sólvit Nolsøe

Sólvit Nolsø. (Mynd: Bjarni Árting Rubeksen)

Sólvit Nolsø, sum gjørdi viðmerkingar til kommunuvalið í Sandoynni týskvøldið, sigur, at tankarnir um kommunusamanlegging eru ikki nýggir. Hann var gestur í útvarpsstovuni í gjárkvøldið.