Kostar 370 milliónir at dagføra Brimil og byggja nýtt vaktarskip

Tað fer at kosta 370 mió. kr. at dagføra Brimil og byggja nýtt skip fyri Tjaldrið.

Eingin játtan er í uppskotinum um fíggjarlóg fyri 2025.

Tað hevur fíggjarevndin fingið at vita frá Fiskivinnu- og Samferðslumálaráðnum.

Næsta ár skal Brimil hava 25 ára klassing. Hon krevst, so Brimil kann sigla. Og hon kostar slakar níggju milliónir krónur.

Brimil fer væntandi at liggja í 10 vikur næsta summar.

Samstundis verður Brimil uppstigaður komandi fimm árini. 

Tá kann Brimil vera í sigling næstu fimtan árini, til hann er 40 ár, sigur Fiskivinnu- og Samferðslumálaráðið.

Tjaldrið, vaktarskip

Tjaldrið er farið at eldast. Tað hevur vaktarskip síðani 1976. 

Tjaldrið liggur helvtina av árinum 

Um Tjaldrið verður sagt, at sannlíkindini fyri, at skipið endaliga verður lagt vegna brek gerast størri hvønn dag.

Bara at hava eitt skip tøkt er vanligt hjá Vørn í dag. 

Síðani 2010 hevur Tjaldrið bara havt eina manning, so tað liggur helvtina av árinum.

Mælt var til at fyrireika nýtt Tjaldur næsta ár, so tað er liðugt í 2027 ella 2028. 

Roynt verður so at halda Tjaldrið virkið til tá, sigur Fiskivinnu- og Samferðslumálaráðið