Oljutangin gjørdur klárur til veturin

Eingin avgerð er enn tikin um, hvat skal henda við oljutanganum hjá SEV á Sundi, sum í illveðri í september, smokkaði saman.  

Oljutangin var bygdur upp av 10 ringum jarnringum, men nú eru sjey av teimum 10 ringunum skornir niður. Tríggir teir niðastu ringarnir eru gjørdist úr tjykkri tilfari, og mett er, at teir skuldu klára veður og vind í vetur. 

Hákun Djurhuus, stjóri í SEV, sigur við útvarpið, at miðað verður eftir, at oljutangin verður klárur at taka í nýtslu í summar. Tangin skuldi eftir ætlan latast SEV í november í ár. Tangin 8.000 rúmmetrar av olju, hann er umleið 22 metrar í diametur og 22 metrar høgur.