Ætla at leggja álit fram fríggjadagin

Fíggjarnevndin hjá løgtinginum er nú farin undir at skriva álit um uppskotið um fíggjarlóg fyri 2025.

Eyðgunn Samuelsen, nevndarforkvinna, sigur, at hon miðar eftir at leggja álitið fram á tingfundi fríggjadagin. 

Nevndin er samd um okkurt, men annars verður ein meiriluti og ein minniluti í álitinum.

Fíggjarnevndin hevur viðgjørt fíggjarlógaruppskotið á 13 fundum.