Nú er klárt at yvirtaka Íleggingargrunnin

Nú er klárt at yvirtaka Íleggingargrunnin á nýggjárinum.

Lógin um tað er lýst, og hon kemur í gildi 1. januar.

Landsstýrið og danska stjórnin samtyktu í januar, at Føroyar skulu yvirtaka Íleggingargrunnin.

Góðar 650 mió. kr. eru í grunninum, sum kom í 1964.

Statskassin hevur goldið

Statskassin hevur goldið pengarnar, sum grunnurin hevur fingið.

Síðani 1976 hevur landsstýrið gjørt av, hvør er í nevndini fyri grunnin, og landsstýrið hevur eisini síðani 1976 ásett reglurnar um grunnin. 

Íleggingargrunnurin hevur millum annað fíggjað útbyggingar hjá SEV, brúnna um Streymin, tunlar og flogfør hjá Atlantic Airways. 

Eisini var partur av fænum í grunninum nýttur til at útbyggja flogvøllin.