Landsstýrisformaðurin: Eiga at taka stórt stig á sjálvstýrisleið nú

Í næsta valskeiði, sum byrjar í ár, eigur Grønland at taka stórt stig á leiðini at gerast sjálvstøðugt land.

- Stundin er komin, at vit taka týdningarmiklu stigini fram móti at gerast sjálvstøðugt land.

- Vit kunnu ikki halda fram við tí seinføra arbeiðinum at skula gjøgnum danska statin við lógum, sum eru galdandi í Grønlandi.

Tað segði grønlendski landsstýrisformaðurin, Múte B. Egede, í nýggjársrøðu sínari.   

Landstingsval verður í ár, og í næsta valskeiði heldur hann, at grønlendingar eiga at gera av, um Grønland skal gerast sjálvstøðugt land.

- Og fólkið skal vera við, tá uppskotið um grundlóg verður gjørt, segði Múte B. Egede.