Hevur fund við landsstýrismálanevndina í dag

Fyrrapartin í dag fer Kristina Samuelsen, advokatur, á fund við landsstýrismálanevndina hjá løgtinginum um sína ráðgeving um kæruna um Dennis Holm, landsstýrismann.

Fyrst í mai í fjør kærdi Árni Skaale, tingmaður, Dennis Holm til landsstýrismálanevndina, tí hann læt 35.000 tons av svartkjafti sum felagskvotu við hámarki.

Tað hevur landsstýrismaðurin ikki heimild til, stendur í kæruni. 

Fyri jól bað landsstýrismálanevndin Kristinu Samuelsen um ráðgeving í sambandi við kæruna. 

Tað arbeiðið er liðugt, og verður viðgjørt á nevndarfundi fyrrapartin í dag.