Tweed & Hyenas letur úr hondum nýtt staklag í dag

Í 2005 stóð bólkurin Lama Sea seg væl í Prix Føroyar ella Atlantic Music Event, sum kappingin nevndist tá. Og fleiri av tónleikarunum í bólkinum eru framvegis sera virknir. Ein teirra er Jón Klæmint Hofgaard, sum er oddamaður í bólkinum Tweed & Hyenas, sum í dag letur úr hondum nýggja staklagið Helicopter.

Í hesari samrøðuni tosa vit við Jón Klæmint um millum annað Tweed & Hyenas, nýggja staklagið, og heildarútgávuna, sum kemur út í mars, og har ið Jón Klæmint hevur eitt ávíst samstarv við Janus Rasmussen og Sakaris Emil Joensen, sum eisini taldust millum limirnar í Lama Sea.

Eisini fáa vit orðið á bassistin, Max Goff, ið eitt nú nemur við bassspælið í Helicopter.

Umframt føstu limirnar í Tweed & Hyenas, telur útgávan eisini nógvar aðrar tónleikarar og eitt skúlakór.