Bústaðir fáa longu avlop í ár

Ein framskriving hjá Bústøðum, hon er fyri árini 2024 til 2034, sigur, at Bústaðir longu í ár fáa seks milliónir í avlopi. Og avlopið verður 10,7 milliónir í 2034. 

Tað hevur fíggjarnevndin hjá løgtinginum fingið at vita.

Bústaðir táttaðu í fíggjarliga í fjør.

Bústaðir siga, at fýra milliónir eru spardar í lønarútreiðslum og tvær milliónir í umsiting.

Les meira her. 

Væntaðu yvirskot í 2028

Bústaðir væntaðu annars at fáa yvirskot í 2028 sambært rakstrarætlanini við framskrivingum árini 2023 til 2033, sum grannskoðaravirkið Januar gjørdi.

Og í 2033 verður avlopið komið upp í 4,25 mió. kr. sambært teirri ætlanini.

Tá árið 2024 endaði, høvdu Bústaðir 555 leigumál í sjey oyggjum og 18 býum og bygdum. 87 koma aftrat í ár.

2.000 fólk eru virkin á bíðilista.