Danmark og Finnland gjørt verjusamstarvsavtalu

Danmark og Finnland skrivaðu í gjár undir verjusamstarvsavtalu, sum skal styrkja norðurlendsku verjuna í Eystrasalti.

Danski verjumálaráðharrin, Troels Lund Poulsen, og finski starvsbróðir hansara, Antti Häkkänen, skrivaðu undir avtaluna, sum snýr seg um tættari verjusamstarv í Eystrasalti, um NATO-venjingar og um útbúgving, um at læna manning og felags venjing í sambandi við F-35 stríðsflogfør.

Finska verjan fer í næstum at fáa F-35 flogfør av sama slag, sum danska verjan longu hevur.

Harumframt eru Danmark og Finnland eisini samd um at kanna møguleikarnar fyri saman at keypa hernaðarútgerð.

- Vit liva í eini ótryggari tíð við kríggi á evropiskari jørð, og her er samanhaldið í Norðurlondum sera týdningarmikið, sigur Troels Lund Poulsen við DR.