Tvey mál um brot á vápnalógina

Tvey mál um brot á vápnalógina eru byrjað eftir hendingina á Vestmannavegnum seinnapartin sunnudagin.

Talan er um tvey skotvápn.

Vaktleiðarin á politistøðini veit ikki, um skotvápnið, sum var í bilinum hjá manninum, var løtt.

Men politiið tók bæði skotvápn og lóður frá manninum.

Maðurin, sum er miðskeiðis í tríatiárunum, hevur ikki verið í grundlógaravhoyring.

Hann er ikki hjá politinum.

Vestmannavegurin var stongdur í næstan fýra tímar seinnapartin sunnudagin.

Av tí at maðurin hevði vápn, var vegurin stongdur av trygdarávum.

Eitt annað fólk var á bilinum. Tað kom út, tá bilurin var steðgaður.

Maðurin, sum var tikin, hevði brúk fyri hjálp og er nú í góðum hondum, sigur politiið.