Javnaðarflokkurin hevur ikki slept ætlanini um at stytta arbeiðsvikuna

Javnaðarflokkurin hevur ikki slept ætlanini um at stytta arbeiðsvikuna.

Hon er við í yvirlýsingini, sum var gjørd á landsstevnu floksins í gjár.

Har verður sagt, at nøkur mál, sum flokkurin fór á val uppá, eru eftir at fremja.

Og tey skulu fremjast fyri næsta val, verður sagt.

Javnaðarflokkurin landsfund, Djóni Nolsøe Joensen

Mynd: Bárður Lydersen

Sytt arbeiðsvika fyrst fyri

Her stendur fremst at stytta arbeiðsvikuna, byggja hópin av bústøðum, og sleppa gerandisvørum undan meirvirðisgjaldi, sigur Javnaðarflokkurin.

Í yvirlýsingini verður heitt á floksleiðsluna um at styrkja sambandið við fakfelagsrørsluna enn meira. 

Pensjónsaldurin verður ikki nevndur beinleiðis. 

Men sum skilst heldur flokkurin fast við, at pensjónsaldurin skal hækka.

Javnaðarflokkurin landsfund, Ingilín D. Strøm

Mynd: Bárður Lydersen

Stórar broytingar neyðugar

Vælferðarsamfelagið skal røkjast, stendur í yvirlýsingini, so eisini komandi ættarlið fáa somu ella betri kor at liva í. 

Viðhvørt er neyðugt at gera stórar broytingar. 

Annars er vandi fyri, at súlurnar undir vælferðarsamfelagnum ikki halda.

Landsstevnan hjá Javnaðarflokkinum staðfestir, at ein sterkur og sosialt haldførur búskapur er avgerandi fyri vælferðarsamfelagið í framtíðini. 

Og broytta fólkasamansetingin og vantandi búskaparliga haldførið seta krøv um umskipanir, sum skulu fremjast við samhaldsføstum langtíðarætlanum.

Javnaðarflokkurin landsfund

Mynd: Bárður Lydersen