Lítil og eingin sild at síggja norðast í føroyskum sjógvi

Lítil og eingin sild var at síggja norðast í føroyskum sjógvi og vestur móti Íslandi. 

Nakað var at síggja í altjóða økinum norðanfyri.

Meira enn helvtin av sildini var úr 2016-árganginum.

Størsta sildin stóð vestast

Størsta sildin var vestast í kanningarøkinum, skrivar Havstovan.

Tað eru høvuðsúrslitini í sildakanningum norðanfyri.

Kanningin er skipað sum altjóða felagskanning hjá ICES, har Føroyar eru við saman við Noregi, Íslandi, Bretlandi og Danmark.

Jákup Sverri var við fyri Føroyar.

Svarkjaftur at fáa í heitari øki

Svartkjaftur var bara at fáa eystast í kanningarøkinum, har sjógvurin er heitari. 

Tað mesta var trý og fýra ára gamal.

Endaligu úrslitini koma, tá tølini frá øllum skipunum, sum vóru við, eru tøk.

Tað verður um hálvan juni, skrivar Hagstovan.

Sí eisini: Sildakanningin norðanfyri, Havstovan