Føroyar við í norðurlendskari og baltiskari vitlíkismiðtøð

Føroyar skulu vera við í einari felags norðurlendskari, baltiskari vitlíkismiðstøð, sum eftir ætlan fer at virka longu í heyst.

Tað upplýsir norðurlendska ráðharraráðið í tíðindaskrivi í dag.

Miðstøðin skal hava starvsfólk úr øllum londunum, sum eru við, og arbeiðið verður samskipað av eini skrivstovu í Svøríki.

Menna vitlíki

Vitlíkismiðstøðin skal menna vitlíki í norðurlendska og batiska økinum við at virka sum sambindingarlið við stjórnirnar, virkir og felagskapir í økinum. Miðstøðin skal bjóða ráðgeving og fakkunleika til brúkararnar í einstøku londunum.

Bjarni Kárason Petersen, landsstýrismaður í norðurlandamálum, Ruth Vang, landsstýriskvinna við ábyrgd fyri talgilding, og Sirið Stenberg, landsstýriskvinna í vinnumálum, vóru við til at taka avgerðina.

Norðurlendska ráðharraráðið hevur játtað stuðul upp á 30 milliónir krónur í trý ár til verkætlanina.