Besti juni higartil

Juni í ár er helst tann besti juni hjá flogvøllinum í Vágum.

Tá vóru ferðafólkini 51.748, 18 prosent fleiri enn í juni í fjør.

Men í juni í fjør var verkfall ein triðing av mánaðinum.

Juni í ár var tó eisini betri enn juni í 2023.

Fyrra hálvár í ár er framgongdin í ferðafólkatalinum í flogvøllinum 4,7 prosent, stívliga 9.000 ferðafólk fleiri enn í fyrra hálvári í fjør.

Men verkfallið, sum vardi í fýra vikur í mai og juni í fjør, gjørdi, at flogvøllurin misti millum 10.000  og 15.000 ferðafólk, sigur Regin I. Jakobsen, stjóri í Vága floghavn.