Ridluskriði forðar fyri matleivdarætlanum í Tórshavnar Kommunu

Í Tórshavnar Kommuna eru í løtuni ein royndarskipan, har tað Í nøkrum grannaløgum eru komnar skiljiruskbingjur, har borgarar kunnu blaka glas og metal burtur. Men ætlanin er eisini, at menna møguleikarnar at endurvinna matleivdir, sigur Elsa Berg, borgarstjóri í Tórshavnar kommunu. Tey hava eina aðra royndarverkætlan, har kommunan innsavnar frukt- og grønmetismatleivdir frá nøkrum matstovum og stórkøkum, og beina tað burtur á biogassverkið Førka hjá Bakkafrost, har tað verður gjørt til tø og biogass. Umleið helvtin av húsarhaldsburturkastinum í Tórshavnar Kommunu er matleivdir, sambært einari kanning hjá kommununi. Borgarstjórin sigur, at tey fegin vildu endurvunnið fleiri matleivdir, men tað er ein avbjóðing, tá kjøt skal endurvinnast og gerast til tøð. Tá er vandi fyri, at seyðasjúkan ridluskriði spreiðist, tá ið tað verður taðað. Tað er tí at smittan kann vera í tøðnum, sum so verður sprænd út.

Hoyr innslagið niðanfyri, sum verður í tíðundunum kl 18.