Tollurin á føroyskum vørum í USA verður 10 prosent

Í nátt gjørdist greitt, hvussu nógvan toll amerikanski forsetin, Donald Trump, leggur á fleiri av heimsins londum, sum selja vørur til USA. 

Tollurin er millum 10 og 41 prosent, og Føroyar verða verandi á 10 prosentum, sigur Niels Winther, stjóri í Vinnuhúsinum, sum hevur fingið hetta váttað frá føroysku sendistovuni í Washington.

- Vit fáa fyrimun í kappingini við lond, sum skulu rinda meira enn í tolli enn Føroyar, men men sum heild er handilskríggj ikki jaligt fyri Føroyar, sigur stjórin í Vinnuhúsinum.

Hoyr innslag í útvarpstíðindunum: 

Tollurin á vørum úr Sýria á amerikanska marknaðinum verður 41 prosent, Kanada 35 prosent, meðan Sveis fær 39 prosent. 

Eini 40 lond, eitt nú Noreg, Ísland og ES-londini, fáa álagt 15 prosent av tolli á sínar vørur, sum verða seldar til USA.

Nýggi tollurin skuldi koma í gildi í dag, men tað er flutt til 7. august. Í Kanada kom tollurin tó í gildi í dag.