Føroyskt uppskot um trygd og verju samtykt í Útnorðurráðnum

Ísland tekur við formansskapinum í Útnorðurráðnum.

Jón Gnarr verður formaður, Bjørt Samuelsen verður fyrsta næstforkvinna og Kim Kielsen, sum er fornmaður nú, verður annar næstformaður. 

Á ársfundinum hjá Útnorðurráðnum, sum júst hevur verið í Grønlandi, eru tvær tilráðingar lagdar fram. 

Tær eru um trygd og verju í Norðuratlantshavi og um, hvussu undirstøðukervið í Norðuratlantshavi skal verjast. 

Tilráðingarnar eru úr Føroyum, og vóru einmælt samtyktar. 

Heitt verður á stjórnina í Íslandi og landsstýrini í Grønlandi og Føroyum um at nágreina trygdar- og verjupolitisku støðuna hjá londunum í Útnorði og, hvussu tey trý londini kunnu samstarva á hesum øki. 

Útnorðurráðið viðtók eisini nýggja strategi um altjóða samstarv. 

Endamálið er at vera viðurkendur millumtingafelagsskapur og samstarvsfelagi í Norðuratlantshavi, í Norðurlondum og í Arktis, stendur í tíðindaskrivi.