Føroyar ganga á odda

Hagtøl frá hondbóltsdystum og hondbóltsspælarum eru ikki at finna í eins stóran mun og í fótbóltinum, jar tey javnan vera brúkt til at betra um spælið. Tað er tó avgjørt eitt gott hugskot at brúka tey meira í øðrum ítróttargreinum eisini, heldur Magni Mohr, professari, sum saman við øðrum hevur skrivað eina vísindaliga oddagrein um menningina, føroyskur hondbóltur er í.

Hvat er tað, sum føroyingar duga fram um onnur, og hvat er tað sum ger, at vit klára okkum so væl, hóast talið av leikarum ikki er nær tí, sum onnur kunnu bjóða?

- Fyrr plagdu vit at hyggja at tí, sum onnur gera, og so royndu vit at gera tað sama sum tey, men vit eru færri fólk í Føroyum, og tí valdu vit at byrja at hyggja at tí, sum vit duga og teimum evnunum, sum vit nú einaferð hava, sigur Mark Lausen-Marcher frá hondbóltssambandinum, sum eisini er ein av høvundunum.

Hoyr alla samrøðuna her