- Tíðindi, mentan og ítróttur
Óli hjálpti GOG til heimasigur
Óli hjálpti GOG til heimasigur
Óli Mittún spældi aftur væl, tá GOG vann sín fyrsta heimadyst í ár. Føroyingurin skeyt seks mál í 36-32 sigri á TTH Holstebro
Verjan hjá Holstebro hevði úr at gera í royndunum at steðga kvika føroyinginum
Mynd: Lau Nielsen/GOG
05.09.2025 - 11:13
Óli Mittún spældi ein góðan dyst, tá GOG vann 36-32 á TTH Holstebro í bestu donsku hondbóltsdeildini í gjár.
Føroyski bakspælarin skeyt seks mál og átti næstseinastu hond á fimm í fyrsta heimadystinum hjá fjónliðnum hetta kappingarárið.
Dysturin var javnur í fyrra hálvleiki, sum endaði 17-17, men eftir steðgin var GOG omaná. Óli Mittún var í miðdeplinum í álopsspælinum hjá heimaliðnum saman við Frederik Bjerre, sum skeyt sjey mál.
Næsti dysturin hjá GOG er í Champions League ímóti Barcelona næsta hósdag.
Er kopiera
Nýggjastu sendingar í ÚV
Leygardag 21. februar
TEMAPLÁTAN: 'Into The Gap' og aðrar útgávur, Thompson Twins 1983-1984-1985
204307
Nýggjastu sendingar í SV
