Rennur við ommuni í huganum

Seks hálvmaraton í seks ymiskum londum.

Tað er ætlanin hjá 21 ára gomlu Bjørt Askham Sigurðsson úr Klaksvík. Og samstundis er endamálið at stuðla Krabbameinsfelagnum.

- Hetta byrjaði við, at eg vildi renna Copenhagen half, men so gjørdist eg varug við, at tað er ein partur av eini røð við seks hálvmaraton, og tað helt eg var spennandi, sigur Bjørt A. Sigurðsson, sum sipar til Superhalfs, ið er ein røð av seks hálvmaraton í seks ymiskum býum í Evropa.

Men tað snýr seg um meir enn at renna, tí við renningini roynir Bjørt A. Sigurðsson at stuðla Krabbameinsfelagnum við eini innsavning á netinum.

- Omma mín hevur í fleiri ár stríðst við krabba, og eg havi ikki vita, hvussu eg kann hjálpa henni. Tí er henda innsavningin ein roynd hjá mær at hjálpa, sigur Bjørt A. Sigurðsson, og vísur á, at Krabbameinsfelagið ger eitt stórt og gott arbeiði bæði fyri krabbameinsrakt og teirra avvarðandi.

Sunnudagin rennir Bjørt A. Sigurðsson ta fyrsta av seks hálvmaraton í Keypmannahavn, og eftir ætlan hevur hon runnið øll í vár.