Pensjónsfelag sett pengar í Polar Seafood

Í Grønlandi hevur eitt pensjónsfelag sett pengar í stóra reiðaríið Polar Seafood.

Sisa Pension hevur keypt fimm prosent av partabrøvunum, siga feløgini bæði í tíðindaskrivi. 

Tey siga, at tað tryggjar arbeiðspláss og sølumøguleikar, at Sisa Pension hevur sett pengar í Polar Seafood.

Hetta er fyrstu ferð, at aktørur, sum ikki er í Polar Seafood, sleppur upp í felagið.

Tvær familjur hava higartil átt Polar Seafood.

Nýggja fiskivinnulógin ger, at Polar Seafood tekur hetta stigið.