Forsetin vil hava forsætisráðharran at gera eina roynd aftrat

Franski forsetin, Emmanuel Macron, heitir á Sébastien Lecornu, sum í gjár legði frá sær sum forsætisráðharri, um at boða flokkunum í tjóðartinginum til nýggjan, til tess at tryggja støðufesti í Fraklandi, skrivar norska kringvarpið.

Lecornu sigur, at hann hevur góðtikið áheitanina hjá Macron, og fer at boða forsetanum frá í annaðkvøld, um neyðugt er við einum fundi aftrat.

Frakland er í djúpari politiskari kreppu, eftir at Lecornu í gjár legði frá sær. Hann sat bara 27 dagar sum forsætisráðharri í Fraklandi.

Flokkarnir í tjóðartinginum kunnu ikki semjast um nýggja fíggjarlóg. 

Formaðurin í flokkinum RN, Jordan Bardella, er millum teirra, sum nú krevja val í Fraklandi.