Barnakonur fáa ókeypis koppsetingar

Barnakonur koma nú upp í hópin hjá teimum, sum fáa tilboð um ókeypis koppseting fyri influensu og koronu.

Ein broyting í kunngerðini um ókeypis koppseting er á veg.

Barnakonur fáa nú eisini tilboð um ókeypis koppseting fyri RS-virus.

RS-virus elvir til bruna í niðaru andingarleiðunum og kann elva til bronchitis og lungnabruna. 

Vanliga elvir RS til milda krímsjúku.

Men RS-virus kann eisini gera fólk álvarsliga, ja, deyðiliga sjúk, serliga nýføðingar, gomul fólk og tey, sum hava veikari immunverju og aðrar sjúkur.

Serliga pinkubørn eru í vanda.

Tilboðið um ókeypis koppseting fyri RS-virus verður galdandi til og við 31. januar 2026.