Frítekst tagging:
- Tíðindi, mentan og ítróttur
Kinna Poulsen fingið virðisløn M.A. Jacobsens fyri yrkisbókmentir
Kinna Poulsen fingið virðisløn M.A. Jacobsens fyri yrkisbókmentir
Virðisløn M.A. Jacobsens fyri yrkisbókmentir í 2025 verður latin Kinnu Poulsen fyri bókina "Í eygnahædd. Um samtíðarlist í Føroyum í 21. øld"
Mynd: Bjarni Árting Rubeksen
22.10.2025 - 17:00
Í sínari grundgeving, fyri at lata Kinnu Poulsen virðisløn M.A. Jacobsens fyri yrkisbókmentir, skrivar dómsnevndin:
Kinna Poulsen skrivar næstan dagliga um føroyska list.
Hon skrivar við fakligari dýpd og persónligum broddi.
Keðiligt er tað ongantíð.
Áhugin logar í tekstinum og festir í lesaran.
List í okkara tíð
Í nýggju bók síni "Í eygnahædd. Um samtíðarlist í Føroyum í 21. øld" skrivar hon lætt og livandi um rák, verk og listaligar verkætlanir í okkara tíð.
Kend listafólk verða sett í nýggjar samanhangir, og tey minni kendu, sum kanska ongin rættiliga hevði varnast, fáa ljós sett á seg.
Listasøguligar træðrir rekir Kinna upp, tá tørvur er á tí, men samtíðarlistin er evnið.
"Í eygnahædd" er snøgt bókaverk við góðum myndum og hóskandi uppseting og litum.
Beinrakni stílurin er tann sami frá byrjan til enda. Avgjørt og inniliga gevur Kinna okkum eitt víðskygt og virðismikið innlit í list í Føroyum í okkara samtíð.
Er kopiera
Nýggjastu sendingar í ÚV
Nýggjastu sendingar í SV
