Caption:
Mynd: Bjarni Árting Rubeksen
- Tíðindi, mentan og ítróttur
Fosturtøka: Onki álit komið hóast freistina í dag
Fosturtøka: Onki álit komið hóast freistina í dag
Onki álit kemur úr rættarnevndini um uppskotið um fosturtøkulóg í dag. Upprunaliga var freistin 30. oktober, og longda freistin var í dag.
Hervør Pálsdóttir, forkvinna í rættarnevndini, kann ikki leggja álit fram í dag, tí hon hevur bert tríggjar undirskriftir.
Mynd: Savnsmynd
07.11.2025 - 20:37
Onki álit kemur úr rættarnevndini um uppskotið um fosturtøkulóg í dag. Upprunaliga var freistin 30. oktober, og longda freistin var í dag. Hervør Pálsdóttir, forkvinna í rættarnevndini, og Ingilín D. Strøm vóru sjálvar við til at leggja uppskotið fram, og saman við Kristonnu Winther Poulsen hava tær nú skrivað minnilutaálit. Men forkvinnan kann ikki leggja álitið fram við trimum undirskriftum og bíðar tí eftir restini av rættarnevndini.
1775109
Hini í rættarnevndini eru Helgi Abrahamsen, næstformaður, Elsebeth Mercedis Gunnleygsdóttir og Rósa Tyril Gaardlykke, sum skriva eitt annað minnilutaálit og so Henrik Old, sum skrivar sítt egna. Helgi Abrahamsen kann ikki í dag siga, nær hann, Elsebeth Mercedis Gunnleygsdóttir og Rósa Tyril Gaardlykke verða liðug við sítt álit.
1775108
1. desember fara tríggir landsstýrismenn frá, millum annað Djóni Nolsøe Joensen, sum kemur aftur í tingið. Hann hevur fyrr sagt alment, at hann er ímóti fosturtøku.
Er kopiera
Nýggjastu sendingar í ÚV
Nýggjastu sendingar í SV
