ES kannar Red Bull

ES hevur boðað frá, at tað kannar felagið, sum framleiðir orkudrykkin Red Bull. 

Felagið er undir illgruna fyri at hava misnýtt sína marknaðarstøðu og at bróta kappingarreglur.

ES-kappingarnevndin heldur, at Red Bull kann hava givið kundum fíggjarligar og aðrar fyrimunir, - eitt nú matvøruhandlar og bensinstøðir, fyri at forða teimum í at selja orkudrykkir í støddum yvir 250 millilitrar frá kappingarneytum.

ES-nevndin kannar eisini, um Red Bull hevur roynt at gera orkudrykkir hjá kappingarneytum minni sjónligar í hesum handlum, “í øllum førum í Niðurlondum”. 

Nevndin nevnir ikki onnur ES-lond.

- Vit vilja síggja, um hesin arbeiðshátturin kann hava verið við til at halda prísunum uppi og avmarka brúkaravalið, tá tað snýr seg um orkudrykkir, sigur ES-nevndarlimurin í kappingarmálum, Teresa Ribera.