Dannebrog kostar 100 milliónir at umvæla

Tað gjørdist ein kostnaðarmikil søga, nú kongsskipið Dannebrog skuldi umvælast.

Skipið er frá 1932 og verður javnt og samt hildið viðlíka, tá tað hvørt ár kemur aftur til flotastøðina í Frederikshavn, har tað liggur um veturin.

Men har er nógv um at fara. Tað hevur tilfar- og keypsdeildin hjá Verjumálaráðnum staðfest fyri kortum, skrivar danski miðilin nordjyske.dk.

Rammuavtala segði 72 milliónir

Tað var í 2022, at ein politisk rammuavtalu varð gjørd, um at Dannebrog skuldi umvælast fyri 72 milliónir krónur.

Men hesi árini, síðani avtalan var gjørd  er staðfest, at skipið er í verri standi enn upprunaliga hildið, endurgevur danski miðilin verjumálaráðið fyri at hava skrivað.

Tí er játtanin nú hækkað upp í 100 milliónir krónur.

Alt er kannað

Skipið er kannað úr enda í annan, alt er tikið innan úr skipinum. Stálið er mált, og tað, sum mátti skiftast, er skift, og skipið er brandtryggjað eftir nútíðar krøvum.

- Tað hevur tí verið munandi meira umfatandi at viðlíkahalda skipið, enn roknað varð við. Tí er upphæddin í rammuavtaluni broytt til í mesta lagi 100 milliónir krónur, sigur Verjumálaráðið sambært nordjyske.dk