Sleppir ætlan um at stevna Múte B. Egede

Tom Høyem, fyrrverandi grønlandsmálaráðharri, ætlar sær kortini ikki at stevna Múte B. Egede fyri ærumeiðing og bakbit, tí hann kallaði snyrlamálið fólkadráp, skrivar Ritzau.

Tom Høyem var grønlandsmálaráðharri frá 1982 til 1987.

Tom Høyem er einasti grønlandsmálaráðharri, sum er á lívi.

Tók ikki orðini aftur

Múte B. Egede skrivaði á Facebook, at hann tók ikki orðini hjá sær aftur. Hann segði tá, at hann skuldsetti danska statin fyri fólkadráp, ikki einstaklingar.

- Tað ber ikki til at hótta meg til at tiga, skrivaði hann eisini.

Tom Høyem ætlaði at stevna, tí hann helt, hann hevði skyldu til at verja starvsfólkini í Grønlandsmálaráðnum.