Ferðslupolitiið skrivaði 18 mál á Tvøroyri

18 mál vóru skrivað, tá ferðslupolitiið stegðaði bilum í Sjógøtu á Tvøroyri í gjár.

Átakið vardi í hálvan annan tíma, frá klokkan ellivu til hálvgum eitt um dagin.

Bilførarar vóru skrivaðir, tí teir høvdu ikki koyrikortið uppi á sær, og hjá onkrum var koyrikortið ikki í gildi longur.

Annars vóru dekk ikki í lagi og heldur ikki lyktir.

Og onkur var ikki íbundin.

Ferðslupolitiið fer eisini at gera kanningar í Suðuroynni í dag.