Fýra ára treytaleysa fongsulsrevsing fyri rúsevni

Ein 22 ára gamal maður fekk í gjár fýra ára treytaleysa fongsulsrevsing fyri rúsevni.

Hann er dømdur fyri at skula taka ímóti 500 grammum av kokaini og fýra kilo av hassji, sum komu til Føroya úr Danmark.

Tvey fólk, maður og kvinna, bæði donsk, vóru 24. oktober dømd fyri hesi rúsevni.

Kvinnan fekk trý ár og maðurin fýra ár. Báðir dómar eru treytaleysir.

Kvinnan kom við Norrønu 27. juli í ár. Rúsevnini vóru í bili hennara. Maðurin kom við flogfari 31. juli.

Fóru aftur í varðhaldið

Fólkini, sum eru tilkomin, fóru aftur í varðhaldið eftir at tey fingu dómin.

Tann 22 ára gamli maðurin, sum er føroyingur, var tikin síðst í september.

Hann var ákærdur fyri at skulu taka í móti rúsvevnunum. Hann er eisini framvegis í varðhaldi.

Øll trý hava kært dómarnar til Landsrættin.