Ikki ráð til tunnilsdagar í Eystur- og Sandoyartunlum

Skal tað vera ókeypis at koyra í hesum báðum tunlunum, má landsstýrið rinda ferðsluveðhald, sigur stjórin í tunnilsfelagnum

Tað verður ikki í bræði, at ókeypis tunnilsdagar vera í Eystur- og Sandoyartunlum.

Mynd: Bjarni Árting Rubeksen

Sigrún H. Brend

23.12.2025 - 12:20

Eingin ætlan er at hava tunnilsdagar við ókeypis koyring í Eysturoyartunlinum og í Sandoyartunlinum.

Tað hevur bara verið ókeypis at koyra eina ferð í hesum báðum tunlunum. Tað var, tá ið teir lótu upp í 2020 og í 2023, men skipanin við tunnilsdegi í Vága- og Norðoyatunlunum heldur fram.

Uni Danielsen

Uni Danielsen er stjóri í tunnilsfelagnum.

- Vit hava ikki ráð til ókeypis ferðslu nýggju tunlunum. Skal tað vera ókeypis ferðsla, má ferðsluveðhaldið hjá landinum rinda, sigur Uni Danielsen, stjóri í tunnilsfelagnum.

22122025_Tunnilsdagar

Næsta ár verður ókeypis at koyra í Vágatunlinum 21. februar og 22. august, og í Norðoyatunlinum verður ókeypis koyring 28. februar og 26. september.

Og báðir tunlarnir hava eisini ókeypis koyring 2. mai og 12. desember.

Lánini í Vága- og Norðoyatunlinum eru goldin, og tær 20 krónurnar, sum tað kostar at koyra aftur fram, fara til rakstur og viðlíkahald.