Flestu nýggju bilar í Noregi eru elbilar

Nærum allir nýggir bilar, sum vóru seldir í Noregi í fjør, vóru elbilar. 

Tilsamans vóru seldir 179.549 bilar í fjør, sum er met, og 95,5 prosent vóru elbilar, skrivar NRK. 

Í 2024 vóru 88,9 prosent av øllum nýggjum bilum í Noregi elbilar.

At bilsølan setti met í fjør, kemst m.a. av, at eitt nýtt meirvirðisgjald kom í gildi á nýggjárinum. Tað dýrkar elbilar 50.000 norskar krónur.

Umleið fimti hvør nýggjur bilur er av slagnum Tesla, sum er best umtókti bilur í Noregi.