Ísrael hevur fingið seinasta gíslan

Ísrael hevur fingið leivdirnar av seinasta ísrealska gíslanum í Gasa.

Tað boðar ísrealski herurin, IDF, frá, skrivar Reuters-tíðindastovan.

Talan er um ísrealska løgreglumannin, Ran Gvili, sum Hamas hevur havt sum gísla, síðan yvirgangsálopið hjá Hamas á Ísreal 7. oktober 2023.

Leivdirnar av honum eru eyðmerktar og verða latnar aftur til jarðarferð, sigur ísrealski herurin í eini fráboðan.

Sostatt er eingin ísraelskur gísli eftir í Gasageiranum,  skrivar ísrealski herurin, IDF, á sosiala miðlinum, X.