Føroyar í næstovasta styrkisbólki til HM-lutakastið

Um tað eydnast manslandsliðnum í hondbólti at spæla seg til HM-endaspælið í Týsklandi, verða Føroyar í næstovasta styrkisbólkinum til lutakastið í juni

Føroyar verða í næstovasta styrkisbólki til HM-lutakastið, um tað eydnast at spæla seg framvið Bosnia Hersegovina ella Kosovo í playoff-umfarinum í mai

Mynd: Cornelius Poppe/NTB/RitzauScanpix

Símun Christian Olsen

09.02.2026 - 19:02

Føroysku hondbóltsmenninir verða í næstovasta styrkisbólkinum til HM-lutakastið í juni, treytað av at teir vinna á Bosnia Hersegovina ella Kosovo í playoff-umfarinum í mai.

Tað skrivar altjóða hondbóltssamgongan IHF í dag.

Føroyar sleppa tískil undan londum sum Fraklandi, Spania og Norra í bólkaspælinum, um hesi sum væntað vinna sínar playoff-dystir.

hm-styrkibolkar.jpg

Frítekst tagging:

Ítróttur

Hondbóltur

HM27

Føroyar eru í næstovasta styrkisbólki til HM-lutakastið, sum verður í München 10. juni

Trettan HM-pláss eru framvegis eftir at spæla um, meðan 19 lond longu hava tryggjað sær plássið í Týsklandi. Við úr Evropa eru Danmark, Týskland, Ísland, Kroatia, Portugal og Svøríki.

HM-kappingin verður í Týsklandi frá 13. til 31. januar næsta ár, og, München, Magdeburg, Kiel and Stuttgart verða vertsbýir fyri bólkaspælinum. Miðumfarsbólkarnir verða spældir í Køln and Hannover.

Endaspælið við fjórðingsfinalum, hálvfinalum og finalu verður í Lanxess Arena í Køln.