Stórur meiriluti fyri uppskotinum um Suðuroyartunnil

Tað er breiður, politiskur meiriluti fyri lógaruppskotinum um at fyrireika, prosjektera og bjóða út Suðuroyartunnilin. 

Á kjakfundi í Salti mánakvøldið vóru forfólkini í øllum seks flokkunum spurd, hvørja støðu tingfólkini í teirra flokkum høvdu til lógaruppskotið hjá løgmanni, sum nú er á veg aftur úr fíggjarnevndini.

Í flestu av stóru flokkunum eru tingfólk, sum ivast í lógaruppskotinum. Men í øllum fýra flokkum tekur ein meiriluti undir við tí.

Beinir Johannesen, Bárður á Steiig Nielsen, Aksel V. Johannesen og Sirið Stenberg svaraðu soleiðis á borgarafundinum í Salti mánakvøldið:

Í teimum fýra stóru flokkunum eru sostatt umleið 21 atkvøður fyri lógaruppskotinum.

Forfólkini í teimum báðum smáu flokkunum á løgtingi, Ruth Vang úr Framsókn og Jenis av Rana úr Miðflokkinum, vildu ikki siga, hvørja støðu tingfólkini í teirra flokki hava til uppskotið.