Løgtingsforkvinnan: Mín avgerð at broyta raðfylgjuna

Í upprunaligu skránni fyri tingfundin í morgin skuldi málið um at hækka pensjónsaldurin fyrst sum koma til triðju og endaligu viðgerð, og síðani uppskotið um at fyrireika, projektera og bjóða út Suðuroyartunnilin, eins og gjørt var á tingfundinum í gjár, tá málini komu til aðru viðgerð.

Men Bjørt Samuelsen, løgtingsforkvinna, hevur síðani broytt raðfylgjuna, soleiðis at málið um Suðuroyartunnilin kemur til endaliga viðgerð fyrst, og síðani pensjónsaldurin.

Bjørt Samuelsen sigur, at tað liggur einki sum so í avgerðini um at broyta raðfylgjuna í tingskránni, men hon heldur tað vera "fair," sum hon tekur til.

Bjørt Samuelsen sigur, at tað er hon einsamøll, sum eigur avgerðina.

Hoyr samrøðu, sum Jón Brian Hvidtfeldt gjørdi við løgtingsforkvinuna í útvarpstíðindunum: