Mikkjal einbúgvi hevði ætlanir um at vitja aftur í Føroyum

Í dag var seinni partur av sermerktu Við Tórði á túr-røðini frá 2023 um "Einbúgva av Viðareiði", Mikkjal Lodmund Sørensen, sendur í útvarpinum. 

"Um eg komi til Føroya aftur pá besøg? Tað veit mann ikki," segði Mikkjal við TórðMikkelsen, tá hann fór aftur í jolluna hjá sær. 

"Kemur tú ikki ein túr? Tú kanst koma við mær, tá eg fari heim aftur til Føroya," var Tórður Mikkelsen skjótur at svara. 

"Nei, halt kjaft," svaraði Mikkjal, meðan hann lat seg í ein jakka umborð á jolluni. "Nú eri eg vorðin 86 ár, og eg livi til eg blívi 100. Tað havi eg sagt í nógv Harrans ár. So tað kann vera, at mann kemur ein túr til Føroya um eini tvey ár."

Mikkja Lodmundur Sørensen andaðist týsmorgunin 3. februar 90 ára gamal. 

Endurhoyr seinna part av røðini "Einbúgvin av Viðareiði" HER. 

LES EISINI: Einsamallur á grønlendskari oyggj í 56 ár

Ongantíð aftur í Føroyum

Mikkjal Lodmund Sørensen fór til Grønlands á vári í 1963 at rógva út, og hann hevur ongantíð verið aftur í Føroyum.

Tað kom Mikkjal ikki, hóast hann var einabarn, og pápin doyði av vanlukku, meðan Mikkjal var stórur smádrongur, og mamman livdi einsamøll á Viðareiði til ellisár.

Mikkjal valdi heldur at búleikast einsamallur á oynni Kingitoq í Suðurgrønlandi í 57 ár. 

Í samrøðuni við Tórður Mikkelsen, so tosaði Mikkjal um møguleikan at flyta til Danmarkar at liva síni síðstu ellisár. 

So langt koma Mikkjal tó ikki. 

Mikkjal Sørensen, Kingitoq, Grønland

Frítekst tagging: 

Mikkjal Sørensen

Kingitoq

Grønland

Andaðist á ellisheimi í Qaqortoq

Árið eftir, at Tórður Mikkelsen hevði vitjað Mikkjal úti á Kingitoq, brann heim hansara á oynni í grund. 

Hóast Mikkjal ætlaði at innrætta seg í seyðhúsinum, so bleiv syrgt fyri, at hann kom á ellisheim í býnum Qaqortoq.

Har búði Mikkjal inntil hann leygardagin 1. februar fekk ein blóðproppog og varð lagdur inn á sjúkrahúsið.

Mikkjal vaknaði ongantið aftur og andaðist týsmorgunin 3. februar. 

HOYR: Við Tórði á túri: Einbúgvin á Viðareiði (1:2)
HOYR: Við Tórði á túri: Einbúgvin á Viðareiði (2:2)

Við tórði á túri LOGO nýtt

Hvat: Við Tórði á túri
Hvar: Í útvarpinum og á KVF Ljóð
Nær: Mánadagar kl. 17.05, og tá tað passar tær á KVF Ljóð