Óli skoraði seks tá GOG tryggjaði sær fimta plássið

Óli Mittún skoraði seks ferðir, tá GOG vann 33-28 á RK Zagreb og tryggjaði sær 5. plássið í bólki B í Champions League, sum endaði í gjár.

GOG hevði longu frammanundan spælt seg til røkkstøkk-umfarið, men ætlaði sær ivaleyst at yvirhála PSG, sum spældi ímóti Bundesliga-risanum Magdeburg í gjár.

Við góðari hjálp frá føroyska landsliðsbakkinum fór fjónliðið undan seinasta korterið, men av tí at PSG eitt sindur óvæntað vann á Magdeburg, eydnaðist ikki at koma upp á 4. pláss.

Tí skal GOG spæla ímóti nummar fýra í bólki A í røkkstøkk.umfarinum. Tað verður antin Vezprem, Nantes ella Kielce.

Óli Mittún var sum ikki einaferð í miðdeplinum í álopsspælinum hjá GOG.I samandráttinum síggjast fleiri góðar sendingar frá føroyinginum.

Hákun og teir seta punktum

Í Berlin skulu Hákun West av Teigum og liðfelagarnir seta pent punktum fyri bólkaspælinum.

Füchse Berlin hevur longu vunnið bólk A frammanfyri Aalborg, sum endar nummar tvey, so einki stendur upp á spæl hjá Hákuni West av Teigum, tá Nantes vitjar í týska høvuðsstaðnum í kvøld. 

hakun_vest_av_teigum_bo_amstrupritzau_scanpix_3.jpg

Frítekst tagging: 

Ítróttur

Hondbóltur

Hákun West av Teigum

Füchse Berlin