Umhvørvisstovan: Ikki loyvt at larma við fuglabjørg til og við 31. august

Umhvørvisstovan minnir á, at kunngerðin um gang við fuglabjørg kom í gildi í gjár. 

Kunngerðin sigur, at frá 15. apríl til og við 31. august, er bannað at sigla skjótari enn átta  fjórðingar um tíman undir fuglabjørgum og aðrastaðni, har fuglur er.

Forboðið er galdandi út á 500 metrar úr landi. 

Harður tónleikur er eisini bannaður.

Skip í fastari rutusigling eru undantikin.

Galdandi fyri øll fuglabjørg

Fyrr var kunngerðin bara galdandi fyri Ramsar-økini. 

Men í fjør bleiv hon broytt til at galda fyri alt landið.

Í sama tíðarskeiði, frá 15. apríl til 31. august, er eisini bannað er at sigla við motorriknum stuttleikaførum, eitt nú vatnskutarum, í Ramsar-økjum.

Ramsar-økini eru Nólsoy, Skúvgoy og Mykines.