Frítekst tagging:
- Tíðindi, mentan og ítróttur
Landsstýrismaðurin um ferðaleiðarar: Lógin er greið
Landsstýrismaðurin um ferðaleiðarar: Lógin er greið
Hóast lógarreglur eru, hevur Ferðaleiðarafelagið fleiri ferðir gjørt vart við støðuna, og spurningurin er tí, um eftirlitið er nóg gott
Jacob Vestergaard er landsstýrismaður í vinnumálum.
27.05.2026 - 13:36
- Lóggávan er greið, og eftirlitsstovnarnir gera sítt arbeiði.
Tað sigur Jacob Vestergaard, landsstýrismaður í vinnumálum, um málið um útlendskar ferðaleiðarar, sum arbeiða í Føroyum uttan arbeiðsloyvi, og sum hevur verið frammi seinastu dagarnar.
Ferðaleiðarafelagið hevur fleiri ferðir gjørt vart við støðuna, at útlendskir ferðaleiðarar arbeiða ólógligt í Føroyum. (Savnsmynd)
Handtøkan av tveimum útlendskum ferðaleiðarum leygardagin hevur varpað ljós á trupulleikan við útlendskum ferðaleiðarum, sum arbeiða í Føroyum uttan arbeiðsloyvi. Sambært Katrin Thorsvig Hansen, høvuðsákæra hjá politinum, er talan um ein trupulleika, sum hevur verið kendur í longri tíð. Og málið hevur eisini verið á borðinum í Vinnumálaráðnum.
Men hóast landsstýrismaðurin vísir á, at lógin er greið, hevur Ferðaleiðarafelagið kortini sagt, at hetta hevur verið ein trupulleiki í fleiri ár. Tað reisir tí spurningin, um eftirlitið hevur verið nóg gott.
Hoyr innslag í útvarpstíðindunum:
27052026_Jacob_og_ferdaleidarar
Er kopiera
Nýggjastu sendingar í ÚV
Nýggjastu sendingar í SV
