Óheft greining gerast av Skúvoyarleið

Hvat ber til at gera í Skúvoy?

Eftir 2. viðgerð í løgtinginum er spurningurin knýttur uppí aftur málið um Suðuroyartunnilin. Ber til at byrja at bora úr Skúvoy, hvat krevur tað av umhvørvinum í oynni - - og hvat tað fer at kosta. 

P/F Suðuroyartunnilin hevur sagt sítt - privati tunnilsbólkurin hevur sagt sítt... Og tí verður tað ein óheftur, triði partur sum skal gera kanningina fyri løgmann, sum eigur málið. 

Samstundis sum løgmaður nú skal finna onkran óheftan, sum allir partar kunnu hava álit á - ikki minst politiska skipanin, so hevur løgmaður sjálvur fult álit á tunnilsfelagnum, sum sama politiska skipan av fyrstan tíð setti á uppgávuna. 

Aksel V. Johannesen ásannar, at avgerðin um eina óhefta greining kann merkja, at linjuføringin fyri Suðuroyartunnilin, sum P/F Suðuroyartunnilin mælir til, kann broytast.

3. viðgerð av uppskotinum til løgtingslóg um Suðuroyartunnilin við tilhoyrandi tunnilskervum og vegakervum verður 19. mai.